港協暨奧委會轄下嘅香港奧林匹克學院每年都會舉辦「奧林匹克主義體驗營」，今年三日兩夜嘅體驗營又圓滿結束啦，今日出席閉幕典禮見到參加嘅同學同運動員都玩得好開心，真係好感恩！亦辛苦晒籌辦體驗營嘅港協暨奧委會同事！ 在此特別感謝特區政府全國運動會統籌辦公室副主任鄭青雲先生同奧運獎牌得主、女子乒乓球運動員蘇慧音小姐 @minniesoo 專程到西貢camp site同參加者做分享。希望參加者將奧林匹克主義中嘅「友誼」、「互相尊重」同 「追求卓越」學以致用，未來更好地面對人生路上嘅種種困難！

港隊大軍已經抵達巴黎，投入比賽狀態。後日就係巴黎奧運正式開幕，預祝國家隊同港隊突破自我、取得佳績！💪🏼 港隊首次比賽會係7月27日，「世一」江旻憓 Vivian 將會出戰女子重劍個人賽，羽毛球運動員楊雅婷及楊霈霖會出戰女雙，謝影雪及鄧俊文會出戰混雙，記得留意電視直播，為我哋港隊運動員打氣！

#巴黎奧運 仲有兩個星期就開幕，昨日政府為中國香港代表團舉行授旗儀式，而連日來 @SF&OC 亦安排咗不同活動凝聚市民對港隊嘅支持，早前就與 #奧林匹克之友 嘅中小學生進入 #香港體育學院 為運動員打氣，親眼睇下我哋運動員嘅訓練過程，了解「台上一分鐘、台下十年功」，學習運動員嘅堅毅，建立 #正向思維 。

電影同旅遊嘅互動性非常強，好似講起《 #魔戒 》呢部電影，大家都會諗到喺新西蘭取景；講起《 #阿凡達 》，又會諗起張家界，不少遊客係因為呢啲知名電影去到當地旅遊。 鄰近不少國家同地區都有政策支持，吸引外地製作團隊到當地拍電影，或者從而宣傳當地人文風情，目前香港未有相關資助政策。記得2008年《 #蝙蝠俠 》有一幕係主角喺香港IFC跳落嚟，全世界都見到香港美麗嘅夜景，特區政府應該考慮推出相關嘅政策支持，當中亦可以設立條款要求國際團隊聘請香港從業員參與拍攝，令到香港業界能夠受惠。

要多元化改善政府財政情況，我其中一個關注要點係政府場地使用營運，包括增加 #康文署 表演場地嘅商業配套、善用 #城市空間 、租借政府物業予電影界拍攝電影。 現時康文署表演場地都係一刀切禁止飲食，我曾經喺外國睇過不同表演，佢哋會根據活動性質放寬飲食安排，帶動場地及周邊食肆嘅生意。康文署要如何善用政府場地資產，提升商業參與，是十分重要。 另外，除咗善用城市空間發展 #城市運動 外，我亦希望政府能夠租借物業讓業界拍攝電影。呢方面同市民大眾關係或者不大，但其實係每日演藝業界都會面對嘅問題，幕後製作人員為咗尋找合適場地真係費盡心思，我自己嘅議員辦事處都不時收到演藝業界相關求助。 其實方便演藝界嘅拍攝，將政府嘅設施、物業放上大銀幕，政府不但能夠善用設施賺取收入，更加可以依托電影設計 #電影旅遊路線 ，吸引遊客。 要多元化改善政府財政收入並不容易，我相信當下亦係一個機會，讓政府可以審視自己擁有嘅資源，重新規劃，多加利用。

運動員參加比賽教練團隊十分重要，但其實背後仲有好多專業支援人員嘅角色，都值得我哋留意。巴黎奧運中國香港代表團將會有18名專業支援人員隨團，包括物理治療師、按摩師、中式手法治療師、運動心理人員、營養師，生物力學專家及體適能教練等等。如果冇呢啲「幕後功臣」嘅付出，可能運動員就會因為差零點幾秒就錯失咗獎牌。 專業支援人員嘅人手十分緊絀，要真正做好體育「專業化」，未來政府應該投放資源培養更加多嘅體育專業支援人員，吸引更多人入行，完善職業階梯，亦可以更多地嘉許、表揚及認可呢啲專業支援人員。

#第67屆體育節嘉年華 今個周末喺荃灣D Park愉景新城舉行，每日有各式各樣運動表演示範，仲有好多好玩嘅運動體驗。大家把握機會過嚟玩啦 😄 第67屆 #體育節 嘉年華 日期：2024年4月5 – 7日 地點：D·PARK愉景新城 @SFOC

#啟德體育園 年底就會落成，期待係期待，但心情都有點戰戰競競，因為一直都未知道開幕後會有咩大型活動落戶香港。 政府同承辦商有清楚協議，包括係KPI同罰則，但如果真係活動不足，將責任推晒比承辦商都無助解決問題，畢竟爭取盛究係要大家群策群力。我查過立法會2019年文件，當時提到體育園開始營運前一年會成立高層次諮詢委員會，但依家都未有任何消息。 劉震副局長喺立法會回應時話下一季度會成立委員會，我希望委員會不只盡快成立，亦要盡快開會及落實推進工作，要知道好多大型 #國際盛事 係要提早好多申請，中間亦涉及複雜協調及運作，我哋唔可以慢亦慢唔起。

將軍澳第77區水上活動中心，其實我好耐好耐之前已經聽過呢個項目，有幾耐呢？係13年前。 2011年5月呢個項目提交俾當時嘅區議會，跟住時隔六年就納入2017年施政報告「體育及康樂設施五年計劃」；再到2021年再有文件提及康文署為項目進行前期籌劃，到2022年就有報道指已完成技術可行性研究。 但今次財委會討論嘅撥款，係為項目批800多萬做「小規模勘測費用及支付顧問費」，感覺又走返回頭路。喺財委會上無官員回答到我問題，一個水上活動中心用咗13年竟然可以一啲眉目都無，真係難以置信。 財委會主席指示咗官員要補充返資料比我，我希望今個月可以收到資料，亦會繼續跟進水上活動中心建設進度。

今日立法會討論「擦亮香港旅遊品牌」議案，疫情後社會大眾非常關心 #香港旅遊發展 ，對比其他國家及地區嘅復甦速度，大家都不禁感到擔憂。 最近社會熱議嘅「 #盛事經濟 」，其實盛事經濟不能夠只睇盛事數目，更加要充分與旅遊業結合、與本地市場互動。喺立法會會議上，我提出咗三點：推動大灣區「 #一程多站 」旅遊、策略性規劃明確目標群體、加強宣傳以產業思維發揮 #文體旅 融合效果。 其實會議上不少議會同事都提出咗不少建議，我哋要整合現有嘅資源，制定全面旅遊政策，做好特色規劃，加強宣傳，先能夠提升旅客旅遊體驗。全世界嘅國家同地區都把握緊疫後復甦嘅重要時機，吸引遊客，帶動經濟發展；好多政策我哋唔能夠固步自封、唔能夠諗以前唔可以而家就唔做，我哋要以「 #守正創新 」嘅思維，制定政策並持續檢視，確保政策能夠切合時代發展。

隨著近年 #港車北上、#便利通關等措施嘅成功推行，大灣區喺陸路通行方面嘅制度銜接取得可觀進展。反觀水路方面，就尚有唔少需要拆牆鬆綁嘅地方。 我曾經於2018年在廣州舉辦過一個 #國際帆船賽，當時曾經討論過是否可以 #一程多站 形式延伸到香港繼續比賽。但就因為三地法規差異令運動員同賽船受到出入境、海關、關稅等限制，令最後未能成事。我相信這對國際賽事來說是不理想的情況，對三地「人流」黎講亦都係一種阻礙。近年內地政府推出不少政策推動 #海上旅遊，我相信要把握大灣區超過2,000公里嘅海岸線及其海洋資源優勢，支持大灣區喺 #海上融合，將會是未來大灣區發展的重要課題。 明年我哋將會歷史性首次迎來由粵港澳三地聯合承辦嘅 #全運會，政府有關方面都表示三地會有協調系統及機制，為物流、人流、資金流、信息流提供最大化便利，而我認為這套機制在全運會後可以繼續保留，並加以深化和利用，希望為未來申辦更多國際大型文體賽事、盛事做好準備，讓「大灣區品牌」揚帆出海，載譽國際。

香港未來發展大趨勢是文化、體育及旅遊，好多地方都明白吸引「高增值」過夜旅客嘅重要性，好似巴黎、倫敦、東京都會推出 #旅遊通行證 ，遊客購買通行證後，參觀多個景點、博物館、乘搭公共交通工具都有優惠，佢哋更加會同商業機構合作提供折扣優惠。 雖然我哋 #康文署 有 #博物館通行證 ，但係對於旅客嚟講絕對不足夠，政府應該考慮牽頭帶動康文署、 #西九文化區 、 #觀光巴士 、 #山頂纜車 及不同商界持份者共同合作，推出香港文化通行證，吸引更多旅客訪港，落實特首所言的官商民協作，以結果為目標。

以往大家會認為文化只係茶餘飯後娛樂活動，甚至唔會將文化同經濟發展拉上關係；但係近年文化嘅地位有好大變化，不但成為 #強國核心 同 #人民生活 嘅一部份，亦係國家經濟增長及產業發展嘅新動能。 港英政府年代，康樂文化場地以娛樂導向，所以多數係「一地多用」嘅多用途場館空間，未能做到專業化水平。 #北部都會區 喺香港未來20年發展最快嘅地方， 2023年發佈嘅《北部都會區行動綱領》提到會建設多元藝文康體設施，希望政府能夠做好 #文化基建 ，將文化基建看待成傳播文化、塑造 #文化軟實力 嘅重要場所。 舉例好似剛剛落幕、由 #深圳歌劇舞劇院 創排嘅舞台劇《 #詠春 》，佢哋準備嚟香港演出嘅時候，搵唔到合適嘅專業場地，最後選址香港演藝學院歌劇院，但係因為場館過細，為咗僅僅五場嘅演出，要將舞蹈重新編排、舞台道具重新製作，根本無成本效益。如果未來我哋冇足夠嘅專業場地，又如何吸引更多國際級、國家級嘅表演嚟香港？又如何做好「以文塑旅」，為旅遊同經濟帶來新氣象？ 希望政府能夠認真思考北部都會區嘅文化產業相關配套，維持香港作為盛事之都嘅地位，與大灣區其他城市協同發展，對外傳播好 #中華文化 ， #說好中國故事 。

相信設立 #國家發展和成就博物館 大家都支持，但係政府方案係要取代 #香港文化博物館 ，社會及文化業界朋友都好驚訝。 #科學館 年度入場達110萬，文化博物館亦有45.1萬，局長話有諮詢持份者，但睇返博物館諮詢委員會最近兩次會議都無討論過相關事項，而藝術專責委員會最近都在討論三個博物館的未來計劃，但當時係通過包括文化博物館未來發展方向。 局長話現時係屬於初步討論，咁我相信社會對於「#殺館 」方案嘅反應政府都清楚見到，未來我會持續跟進了解文化博物館情況。